Gjyqtarja e Krimeve të Rënda, Liljana Baku, ka dhënë dorëheqjen nga detyra. Në datën 2 dhjetor, ajo ka paraqitur dorëheqjen pranë Këshillit të Lartë Gjyqësor. Mësohet se ky vendim ka ardhur për shkaqe personale, pasi ajo do të angazhohet në një biznes privat.
“Do angazhohem në biznes privat”, mësohet të ketë thënë Baku, pas vendimit të saj për t’u larguar nga radhët e sistemit të drejtësisë.
Liljana Baku ishte gjyqtarja që firmosi vendimin për masën “arrest shtëpie” për ish-ministrin Saimir Tahiri, i cili u akuzua për “trafik droge”.
