Kryeministri Edi Rama e ka pritur me trishtim dorëheqjen e kryetarit të Kuvendit Gramoz Ruçi nga funksionet drejtuese të PS dhe nga politika.
Gjatë fjalës së mbajtur në Kongresin e Partisë Socialiste, Rama u shpreh se kur dëgjoi për dorëheqjen e Ruçit, pati ndjesinë e ”këputjes së krahëve”. Sipas tij, pa këshillimini e Ruçit, Partia Socialiste do të kishin humbur shumë beteja.
Ndër të tjera, kreu i qeverisë vlerësoi maksimalisht rolin e Ruçit për modernizimin dhe forcimin e socialistëve.
Edi Rama: ”Shoku im i vjetër i armëve më është bërë sipas rastit, shok, mik. Në gjithë këto vite ka qenë një hije e kujdesshme në krahun tim. Gramoz Ruçi. Nuk dua t’jua fsheh se kur në fundin e takimeve të panumërta kokë më kokë tërë këto vite, Gramozi më tregoi vendimin për t’u tërhequr nga politika aktive. Pata ndjesinë e këputjes së krahëve. E kuptova se ishte vendim pa mundësi rishikimi. Akoma sot nuk e gjej dot si e qysh do të mbushet boshllëku i largimit të tij. Pa këshillimin me Gramozin do e kishim humbur beteja, sigurisht për fajin tim. E di se ai do të mbetet deri në ditën e fundit në detyrë, këshilltari im i besuar. Askush nuk është i pazëvëndësueshëm, e di. Po di edhe që jo gjithkush është lehtësisht i zëvëndësueshëm.”
