Pas humbjes së thellë të Partisë Demokratike, është mësuar se Lulzim Basha ka qëndruar sot paradite rreth 45minuta në zyrën ish-kryeministrit Sali Berisha.
Ky takim është realizuar dy ditë pas humbjes historike të PD, për të cilën nuk ka pasur asnjë reagim nga Basha. Zërat që fajësojnë Bashën për këtë humbje dhe që kërkojnë largimin e tij janë duke u shtuar. Dje ishte Besnik Mustafaj dhe Ilir Rusmali të cilët kërkuan publikisht largimin e Bashës si përgjegjës.
Nuk dihet nëse këtë takim e ka kërkuar Berisha, apo është Basha ai që ka shkuar të konsultohet pranë ish kryeministrit.
