Grupi Parlamentar i Partisë Demokratike, u ka bërë thirrje deputetëve të Komisionit të Rithemelimit të PD-së, që të ofrojnë të njejtin mekanizëm për tërheqjen e Sali Berishës. Tashmë është zbardhur draft rezoluta që nënkryetari i PD-së, Enkelejd Alibeaj, lexoi para grupit parlamentar demokrat pas dorëheqjes së Lulzim Bashës si kryetar partie.
Në draft rezolutë theksohet se grupi parlamentar i PD-së vlerëson dorëheqjen e Bashës, ndërkohë që u bëhet thirrje anëtarëve të pezulluar të grupit të PD-së që të ofrojnë të njëjtin mekanizëm për tërheqjen e Sali Berishës.
Draft-Rezoluta qe Alibeaj ia lexoi deputetëve pas dorëheqjes së Bashës:
Grupi parlamentar i PD vlerëson aktin e dorëheqjes së kryetarit të PD në funksion të zgjdhjes së problematikës, që ka shkaktuar një përçarje të thellë nga qendra në bazë.
Grupi parlamentar i bën thirrje anëtarëve të pezulluar të grupit të PD që të ofrojnë të njëjtin mekanizëm për tërheqjen e zotit Berisha, që duhet të distancohet nga vendimmarrja në PD, duke u bërë pjesë e zgjidhjes për të shmangur përçarjen dhe për të bërë të mundur bashkimin e demokrateve.
Kërkojmë respektimin e vlerave dhe parimeve statutore të PD, për shmangien e pasojave të deklaruara publikisht nga SHBA.
Grupi parlamentar shpreh gatishmerine per te negociuar me anetaret e pezulluar te grupit parlamentar per te gjetur nje zgjidhje te pranueshme, per t’i hapur rruge bashkimit. Grupi ngarkon strukturat përgjegjese per te pranuar nje grup, per te lehtesuar ndermjetesimin.
Grupi vlerëson se pas dakordësise i hapet rruga për:
A-Ndërmarjen e një fushate ndërgjegjësuese në bazë për bashkim
B-Përgatitjen e partisë për zgjedhjet lokale
C- Përgatitjen e kushteve të nevojshme për zgjedhje menjëherë pas zgjedhjeve lokale
