Duke prezantuar një iniciativë të quajtur “Lëvizja Kombëtare për Lexim”, ministrja e Kulturës, u bë lajmë një ditë më parë. Më tepër për postimin që ajo bëri në profilin e saj në Twitter. Një shprehje e huazuar nga anglishtja krijoi keqkuptime dhe postimi bëri xhiron në rrjete sociale. Ku shumë faqe nisën të krijojnë edhe postime me nota humoristike.
“Lajm i fundit: Lëvizja kombëtare për lexim…. Duhet t’i bëjmë librat sërish “cool”. Nëse shkoni në shtëpi me dikë që nuk ka libra, atëherë “don’t fuck them”, ka shkruar Ministrja që ndoshta ka dashur të thotë “mos u ngatërroni me ta”, por ka zgjedhur fjalët e gabuara.
Mirëpo, sa lexojnë të rinjtë dhe a do të dilnin ata me një partner i cili nuk lexon libra?!
Me libra në takim
“Duket një person që lexon dhe një që nuk është i arsimuar, ndaj bëhet diferenca. Ndaj unë nuk do të dilja me një mashkull i cili nuk lexon libra.”
“Nuk ka lidhje nëse lexon apo jo, është gabim të thuhet kjo gjë. Nuk është e thënë që një djalë duhet të lexojë libra. Absolutisht që kjo nuk më ndalon mua të shkoj e të dal me të.”
“Jo gjithçka varet nga leximi i librave, nuk ka asnjë problem nëse partnerja ime nuk lexon.”
“Një njeri që nuk lexon, besoj se e shfaq veten. Dhe unë absolutisht që nuk do të dilja me një person që nuk lexon, pasi unë kam investuar te vetja dhe për të arritur këtu ku jam. Ndaj, do t’ia prisja shkurt,”-shprehen të rinjtë për Tirana Today.
Ndërkohë, sot, ministrja reagoi duke u sqaruar se bëhej fjalë për një keqkuptim, por se qëllimi u arrit. Njerëzit po flasin për librat.
“Me keqardhje për të gjithë vorbullën e krijuar nga një citim origjinal i John Waters, i cili, siç ia arriti qëllimit kur e tha dhe bëri të flitej për librat, ia arriti përsëri edhe këtu, paçka se këtë herë keqkuptimet e keqinterpretimet ranë në “kurrizin” tim,
I ftoj të gjithë të mirëkuptojnë qëllimin nxitës për të mos e braktisur librin e leximin, si edhe të mos bien pre e përkthimit të gabuar, të këtij teksti,”-shkruan Kumbaro në Facebook./ TIRANA TODAY
