Për të gjithë ata që duan të udhëtojnë në Amerikë për pushime këtë verë, Ambasada Amerikane ka dhënë disa këshilla ndaj të gjithë qytetarëve.
Me anë të një postimi në Facebook, Ambasada tregon hapat që duhet të ndiqni, dhe se si të respektoni të gjitha rregullat e vizës. Mosrespektimi i tyre, mund ta bëjë më të vështirë marrjen e një vize tjetër në të ardhmen.
“Do të udhëtoni në SHBA për pushime këtë verë? Sigurohuni që të respektoni të gjitha rregullat e vizës tuaj! Ju nuk mund të punoni, ose të shkoni në shkollë ndërsa jeni në SHBA me vizë turistike.
Mosrespektimi i rregullave mund ta bëjë më të vështirë për ju që të merrni një vizë tjetër në të ardhmen. Keni pyetje për çfarë është e lejuar të bëni ose jo, ndërkohë që jeni në SHBA me një vizë turistike? Më pyesni mua! #PyetAnen”, shkruhet në faqen zyrtare.
