Është përfshirë nga një debat i ashpër institucioni më i lartë i futbollit . Kreu i FSHF-së Armand Duka është përplasur ashpër me deputetin socialiste Erjon Braçe, pasi ky i fundit ka kërkuar informacion për të ardhurat e FSHF-së.
Kaq është dashur dhe menjëherë kanë nisur reagimet dhe kundër reagimet në lidhje me këtë çështje.
E ndërsa ne një reagim FSHF ka pranuar se i është kërkuar nga Drejtoria Rajonale e Tatimeve në Tiranë kontroll.
Sipas FSHF tatimorët kanë kërkuar:
1. Lista e personave të kontraktuar nga FSHF nga viti 2010 deri në Janarin e vitit 2018.
2. Tatimi dhe burimi për të ardhurat nga pagat, shpërblimet, bonuset, honoraret për secilin, të ardhura të tatueshme deri në muajin Janar 2018.
Ndërkohë FSHF thotë se në mbyllje të çdo viti pasqyrat financiare auditohen nga një kompani ndërkombëtare auditimi dhe raportet janë të publikuara për të gjithë.
Kujtojmë që ishte deputeti socialit Erion Braçe i cili njoftoi ne Facebook se kishte kërkuar informacion lidhur me të ardhurat e FSHF-së, madje ai me ironi pyetste Dukën se pse ishte mërzitur me këtë kërkesë.
Por, FSHF drejton gishtin e akuzës nga deputeti socialist Erion Braçe.
Kërkesa nuk është bërë nga Kuvendi i Shqipërisë, por nga nje deputet i mazhorancës. Fatkeqësisht, kjo kërkesë është në tejkalim të Ligjit, saktësisht të Nenit 8 të statusit të Deputetit, në bazë të të cilit “deputeti ka të drejtë të kërkojë shpjegime për çdo çështje që ka të bëjë me përmbushjen e detyrës së tij nga përfaqësues të organeve shtetërore qëndrore, si dhe ato vendore. Por në fakt, në kërkesën e tij Deputeti i mazhorancës kërkon jo “ Shpjegime”, por një informacion për një palë të tretë, që është ndër të tjera edhe një OJF, në rastin konkret Federata Shqiptare e Futbollit.
Kjo është gjithashtu në shkelje flagrante me Ligjin Nr.9920, “Për procedurat tatimore” saktësisht në nenin 31 të këtij Ligji,i cili sanksionon konfidencialitetin e të dhënave.
Së dyti, në këtë rast organet tatimore shpërdorojnë detyrën, sepse kërkesa e Deputetit të mazhorancës është në bazë të Ligjit, që vetëm të kërkojë” shpjegime” dhe jo të iniciojë kontrolle në palë të treta. Organet tatimore i kanë informacionet e depozituara nga FSHF dhe janë të lirë të japin shpjegimet e tyre, sipas ligjeve në fuqi. Kërkesa për verifikim në vend nga organet tatimore është tej kërkesës së paarsyeshme ligjore të Deputetit të mazhorancës, ç’ka na bën të mendojmë se ka një prapavijë të pastër politike.
