Kryeministri Edi Rama duket se nuk ka ndërmend të tërhiqet deri sa t’i marrë frymën biznesit të vogël.
Pavarësisht propagandës që zhvillon poshtë e lart në çdo qytet ku shkon, se nuk do të ketë TVSH për biznesin e vogël, në fakt çdo politikë fiskale që ka ndërmarrë po e bën në kurriz të këtij biznesi.
Kryeministri nuk u step as nga protesta e biznesit të vogël të para disa ditëve që në shenjë revolte uli qepenat.
https://tiranatoday.com/videobiznesi-ngre-qepenin-tregtari-mona-cizmen-prape-rames-kur-flet-per-rrushin/
Kur ishte në opozitë lehte vazhdimisht se nuk do të ketë taksë për biznesin e vogël. Këtë e thoshte me zë dhe figurë.
Ndërsa tani duke fluturuar pas politikave-rrumpallë të tij thotë se kjo është një lojë që duhet të marrë fund.
Me shpatë në dorë, pas të cilit rend tigri i ekonomisë shqiptare, Rama la me gojëhapur biznesin e vogël kur tha që do taksohen ata që xhirojnë më shumë se 2 milionë lekë të vjetra në vit. Ndërkohë që një biznes që xhiron 2 milionë lekë të vjetra vetëm biznes nuk mund të quhet.
“Është e gjitha një lojë që ne do i japim fund. Si do t’i japim fund? Së pari duke vendosur TVSH për të gjithë, kush është deri në 2 milionë nuk ka problem, s’ka as taksë, as TVSH, asgjë. Bëhet fjalë për mikrobiznese. Kush është mbi 2 milionë të gjithë me TVSH, kjo do bëjë që loja të mbarojë sepse biznesi i madh nuk ka të lidhje me ata që janë deri në 2 milionë. S’ka marrëdhënie me ta. Ata janë njerëz që kanë mikrobiznese mbijetese”, u shpreh Rama para pak ditë nga qyteti i Lushnjës.
Për ta hedhur poshtë këtë gënjeshtër të Ramës, mjafton një denoncim i bërë për Tirana Today nga një qytetar për biznesin e tij, mbi të cilin janë lëshuar çakejtë e tatimeve, duke i hedhur tek dera edhe fletushkën e mëposhtme.
E gjitha kjo tregon se Rama jo vetëm që nuk ka ndërmend që ta nxitë biznesin e vogël, por në fakt është duke e rënduar gjithnjë e më shumë ku pjesa më e madhe lidhet me ekonominë familjare.
Pas biznesit të vogël, Rama ka futur në brazdën e taksave edhe profesionet e lira ku hyjnë mjekët, kontabilistët, dentistët, arkitektët apo edhe inxhinierët.
Për këtë taksim që ka nisur që nga 1 prilli i këtij viti, këto profesione do të detyrohen të lëshojnë faturë tatimore me TVSH dhe do të paguajnë 20% tatim mbi vlerën e shtuar.
Kjo është çmenduria e radhës e Ramës, pas shtimit taksave të njëpasnjëshme, ku tashmë ka përfshirë edhe këtë segment të aktivitetit ekonomik. Ndërkohë më parë i nënshtrohej tatimeve si biznes i vogël dhe ishte subjekt i tatimit të thjeshtuar mbi fitimin e biznesit të vogël.
TIRANA TODAY
