Pjesa e infektimit me koronavirus, ka sjellë një frikë të shtuar tek popullata. Humbja e një familjari apo e vendit të punës, ka shtuar edhe anën depresive. Prej muajsh që po jetojmë në një situatë pandemie, qytetarët po përballen edhe me probleme të shëndetit mendor.
Në kohën kur pesimizmi është shtuar, doktoresha Miranda Shehu Xhilaga tregon se shifrat tregojnë krejt të kundërtën. Në një lidhje me skype nga Australia, doktoresha ka deklaruar se qytetarët duhet të tregohen më optimistë, pasi vetëm 14% e të infektuarve kalojnë në gjendje të hospitalizuar, ndërsa pjesa tjetër e kalojnë covidin lehtë.
“Ka 60 ditë që nuk kemi asnjë infeksion, asnjë vdekje në Australi. Tani jemi në pranverë. Teoria se virusi largohet me rritjen e temperaturave, ka rënë plotësisht. Pasi thuhet se temperaturat nuk influencojnë.
Jemi në një situatë ku maskat nuk do të hiqen, derisa të zhduket virusi. Një arsye shumë e rëndësishëm pse nuk duhet të ketë panik dhe ankth është se vetëm 14% e njerëzve e kalojnë me probleme.
Ndërsa të tjerët e kalojnë në gjendje të lehtë. Vetëm 14% paraqiten me sindromën pleumonare, të tjerët nuk do të shtrohen në spital”, tha ajo.
