Deputetja socialiste, Blerina Gjylameti, akuzohet për vjedhje të artikujve. Denoncimin e ka bërë publik studiuesi Vladimir Kola, ku përmes fakteve dëshmon se në doktoraturën e Gjylametit me titull “Ndikimi i manaxhimit strategjik të burimeve njerëzore në performancën organizative – Rasti i organizatave të sektorit publik lokal”, janë kopjuar të paktën 22 faqe.
Udhëheqës i kësaj doktorature të vjedhur është Prof. Dr. Perlat Lame. Ai bën me dije përmes një postimi në Facebook, se në tezën e doktoraturës së Gjylametit janë kopjuar pak a shumë 22 faqe (në ndonjë rast, me ndonjë ndryshim të vogël në tekst), nga një studim i vitit 2008 me titull “An Introduction to Strategic Human Resource Management”, me autorë Pawan Budhwar dhe Samuel Aryee.
