Ministria e Jashtme ka njoftuar të gjithë qytetarët që duan të shkojnë në Itali, sa i takon rregullave të reja. Duke nisur nga 30 gusht deri në 25 tetor 2021, çdo qytetar që udhëton drejt Italisë duhet të paraqesë çertifikatën e gjelbër Covid-19. Italia njeh vaksinat e autorizuara nga EMA: Pfizer Biotech, Moderna, AstraZeneca dhe Jonhson & Johnson. Po kështu duhet që të paraqisni testin molekular PCR ose antigjenik, kryer brenda 72 orëve para nisjes.
Nëse nuk plotësohen kushtet, është e detyrueshme një periudhë vetëizolimi prej 5 ditësh në Itali, në adresën e treguar në Formularin e Deklarimit të Pasagjerit (PLF) dhe duhet të kryeni test në fund të periudhës 5 ditore. Fëmijët nën moshën 6 vjeç, përjashtohen nga testimi molekular ose antigjen.
Njoftimi
“Ministria për Evropën dhe Punë e Jashtme njofton se në bazë të Dekretit më të fundit të Ministrisë së Shëndetësisë në Itali, Shqipëria vazhdon të mbetet në vendet e listës D: https://bit.ly/3mM8ëEY
Duke nisur nga 30 data 31 gusht deri në 25 tetor 2021, çdo qytetar që udhëton drejt Italisë duhet të paraqesë:
Çertifikatën e gjelbër Covid-19, që vërteton vaksinimin e plotë ose një çertifikatë të ngjashme të lëshuar nga autoritetet kompetente shëndetësore vendase që deklaron përfundimin e vaksinimit;
Çertifikata mund të jetë në formë dixhitale ose e printuar;
Shteti italian njeh vaksinat e autorizuara nga EMA: Pfizer Biotech, Moderna, AstraZeneca , Jonhson & Johnson.
Test molekular PCR ose antigjenik, kryer brenda 72 orëve para nisjes;
Formularin PLF https://app.euplf.eu/
Në rast së mospasjes së dokumentave të mësipërme, është e detyrueshme një periudhë vetëizolimi prej 5 ditësh në Itali, në adresën e treguar në Formularin e Deklarimit të Pasagjerit (PLF) dhe duhet të kryeni test në fund të periudhës 5 ditore;
Nuk kërkohet një motiv për udhëtimin, si nevoja për punë ose studim, arsye shëndetësore, urgjencë absolute, kthim në shtëpi;
Fëmijët nën moshën 6 vjeç përjashtohen nga testimi molekular ose antigjen”, njofton ministra e Jashtme”.
