Deputeti i Partisë Socialiste, Ulsi Manja ka komentuar deklaratën e Presidentit të Republikës, llir Meta, i cili deklaroi javë më parë se kush cënonte votën e lirë më 25 prill, do ia priste dorën në mes të sheshit “Skënderbej”.
i ftuar në emisonin Frontline, Manja tha se presidenti Meta këto thirrje nuk i ka pasur për mazhorancën, por sipas tij, për atë që ka lënë në krye të LSI-së dhe për partitë e tjera opozitare.
Ndër të tjera, Manja u shpreh se PS nuk do të cënojë votën e lirë dhe të ndershme më 25 prill.
Ulsi Manja: ”Praktikisht presidenti ka dalë hapur që është palë politike me opozitën, madje pretendon të jetë lider i opozitës. Besoj ti qëndrojë fjalës, dhe ti presë dorën atyre që vjedhin votën, por këtë t’ia përsërisë asaj që ka lënë në krye të LSI dhe partive të tjera opozitare. Jemi në terren dhe po shohim, por kam përshtypjen që pas 25 prillit nuk e thotë këtë sepse do të jenë të tjerë për t’i prerë votën.
PS nuk kërkon votën përmes skemave të pista. PS ka edhe përgjegjësinë për zgjedhjet e ndershme dhe demokratike, sepse në prill do të kemi tryezën e parë të negociatave me BE dhe duhet të jemi garantët e votës së lirë. Por të jesh e bindur që presidenti nuk do ta thotë këtë më, sepse duhet të presë shumë duar tek partitë opozitare dhe nuk e di a i dalin sëpatat.”
