Neritan Ceka deklaron që Shqipëria ende nuk është përgatitur për t’u bërë pjesë e Bashkimit Evropian, ndërsa shton se “do të shkojmë si cjapi te kasapi me këtë strukturë dhe ekonomi që kemi”.
I ftuar në emisionin “360 Gradë”, shprehet se do të pendohemi kur të vijë dita që do të hyjmë në Evropë, pasi nuk është një hotel që shkon dhe nuk paguan.
“Unë gjithmonë e më shumë po bëhemi euroskeptikë. E kam thënë dhe do ta them. Ditën që do të hyjmë në Evropë ne do të pendohemi, që nga kafja që do bëhet 1 euro.
Ne nuk jemi të përgatitur dhe do të shkojmë si cjapi te kasapi me këtë strukturë dhe ekonomi që kemi. Atje është kompetitive Europa nuk është një hotel që shkon dhe nuk paguan.
Ne nuk jemi përgatitur. Jemi gati të shesim çdo gjë dhe mos fusim gjë dhe kemi një Evropë shumë dinake në institucionet e saj”, tha Neritan Ceka.
