Kryeministri Edi Rama ka zhvilluar një takim me elektoratin e tij në Kukës. Në fjalën e tij, Rama u shpreh se qeveria do të përfundojë këtë aeroport, ku sipas tij do t’u ofrohen qytetarëve çmime low-cost.
Po ashtu, Rama hodhi akuza edhe ndaj kryebashkiakut të Kukësit, pasi pretendon se ka penguar investimin për ndërtimin e spitalit.
“Do të kenë mundësinë që të kthehen këtu direkt nga Londra, në këtë aeroport. Jo vetëm i Kukësit, por i të gjithëve. Shqipëria ka nevojë për një aeroport me çmime të ulëta, loë-cost, ky do të jetë aeroporti i Kukësit.Unë dua tu them djemve të Kukësit që janë me PD-në : A ia vlen të humbni Anglinë për partinë? Për Lulin, Salion, Mulin, Bashkimin.
Është i rrëzuar Ilir Meta, është i rrëzuar Lul Basha, se Saliu edhe kur është i rrëzuar duket sikur është në këmbë, nuk po flas këtu për fallxhoren se ajo nuk është e rrëzuar, por e zhytur në kafe turke”, deklaroi Rama.
