Gazetari Artan Hoxha ka paralajmëruar se disponon një video të dyshimtë të një kryetari Bashkie, për të cilën thotë se është në proces verifikimi. Ndonëse nuk dha shumë detaje, ai konfirmoi në “Opinion” se videoja diskredituese mund të publikohet javën e ardhshme. Ndër të tjera, gazetari investigativ shprehu publikisht shqetësimin për drejtuesit të cilët kanë marrë ‘në dorë’ fatet e qytetarëve. Sipas tij, ky është një problem madhor, dhe se këta drejtues kanë shkelur besimin e shqiptarëve.
Artan Hoxha: Po e verifikojmë javës tjetër, mendova që këtë javë do dilte video përvëluese, s’doli ajo.
Blendi Fevziu: E ke vërtetë videon?
Artan Hoxha: Është lajm që po e verifikojmë.
Blendi Fevziu: Përvëluese është dhe kjo video?
Artan Hoxha: Unë nuk them që është përvëluese, është video diskredituese më tepër. Për mua problem është që s’duhet lejuar që në pozicione të tilla njerëz që kanë besimin e qytetarëve. Të kenë të drejtë të marrin vendime për jetën e qytetarëve të një vendi.
