Pas vrasjes tragjike ndodhur në zonën e “Astirit” në Tiranë, të tjera të dhëna shokuese janë zbardhur. Duket se ngjarja ka marrë një tjetër rrjedhë, ndërsa autori ka zbardhur detajet në gjykatë.
Noel Dishi i arrestuar për vrasjen e Vilson Tafçiut mbrëmjen e së hënës, sot ka dalë para gjykatës për masën e sigurisë. Dishi i njohur edhe me dy emra të tjerë, u mor peng dy vite e gjysmë më parë në Durrës. Ai u mbajt në një bagazh makine nga tre persona dhe pas disa orësh u la i lirë në Vorë. Rrëmbimi u hetua nga Krimet e Rënda, por me shkrirjen e tyre dosja i kaloi Prokurorisë së Durrësit. Dishi, sipas burimeve u mor peng për të kërcënuar Vilsonin, pasi ky i fundit nuk kishte dorëzuar një sasi droge.
Nga salla e gjyqit ai deklaroi se u telefonua nga Vilson Noka Tafçiu, dhe e lanë të takoheshin te “Artisti”. “Debatuam dhe Vilsoni më tha se ‘do ta bëj me keq se sa ta kanë bërë. Do të mbaj në bagazh të makinës dhe do ta thyej kokën’. Më pas edhe më shau. Tentova të largohesha, por ai vijonte me të njëjtën mënyrë. Atëherë e kam qëlluar. U trondita kur kuptova se çfarë bëra”, tha Dishi. Arma e krimit dhe celulari i Dishit nuk janë gjetur nga policia.
