Mbrëmjen e djeshme janë nxehur gjakrat në emisionin ‘Open’, ndërsa një përballje tejet e fortë ishte ajo e Monika Kryemadhit me ekonomistin Besard Kadia. Ndërhyrjet e njëpasnjëshme në Kadisë gjatë fjalës së Kryemadhit, kanë bërë që kjo e fundit të reagojë ashpër ndaj tij, dhe drejtueses së emisionit, Eni Vasili.
Biseda:
Kryemadhi: E dëgjova zotrinë me vëmendje, dhe është e dyta herë që është i paedukatë në komunikim. E dyta, por ja bëj të qartë, sepse mendoj që disa djem si puna e këtij, që kanë dëshirë dhe janë ambiciozë për t’u marrë me politikë duhet t’u japim shansin që të dalin dhe të publikohen, të rriten. Pavarësisht se kemi mendime të ndryshme, nuk do të thotë që ky zotëria të mos ketë nderin për të folur me mua.
Kadia: Si thua? Nderin për të folur me ju?
Kryemadhi: Po, po, nderin me mua. Ta kesh për nder që je me mua këtu në panel. Do ta mbyllësh Eni, apo të çohem nga studio dhe të iki?
Kadia: Po jo me nuk është fare nder për mua, ti ke përgjegjësi publike.
Kryemadhi: Eni ke disa herë që ti bën këtë sjellje me mua.
Eni Vasili: Po çfarë t’i bëj unë, unë me zor nuk e mbyll dot. O Besart e shikon që po… do detyrohem që të të heq mikrofonin… prit të mbaroj Kryemadhi dhe pastaj merr fjalën.
Kryemadhi: Hiqja fjalën atij, hiqja mikrofonin kur flas unë. Eni është e pamoralshme edhe për ty si drejtuese emisioni.
Eni Vasili: Çfarë jam duke bërë unë të pamoralshme?
Kryemadhi: Unë kur vij këtu, ne kemi bërë një marrëveshje bashkë, të tjera gjëra janë në skaletë dhe të tjera gjëra këtu. Të gjithë keni lidhje me oligarkë, edhe ti ke, dhe vjen erë dhe unë bashkë me ty se kam qendruar me ty (i drejtohet Kadisë).
Eni Vasili: Ky ka qenë në skaletë.
Kryemadhi: Kemi rënë dakord për të tjera gjëra.
