SHBA, Anglia, Franca dhe disa vende të tjera paralajmërojnë Kosovën dhe Serbinë, që të ulin gjakrat mes tyre.
Shtetet e Quintit kërkuan nga Kosova të heqë taksat ndaj Serbisë, ndërsa nga kjo e fundit u kërkua që të ndalojë fushatën kundër Kosovës për tërheqjen e njohjeve të pavarësisë.
Por mesa duket Serbia nuk do t’i përgjigjet këtij urdhri pasi ministri i Jashtëm, Ivica Daçiç ka vazhduar sërish me avazin e vjetër një ditë pasi u dhanë paralajmërimet.
Daçiç është shprehur për median serbe ‘Blic’ se këto paralajmërime nuk janë asgjë e re, duke nënkuptuar se do të vazhdojë të punojë kundër Kosovës.
“Prishtina nuk do ta heq taksën. Deri sa të mbarojnë zgjedhjet atje nuk do të ketë asgjë”, u shpreh ai, teksa shtoi se do e parandalojë hyrjen e Kosovës në Interpol dhe UNESCO.
