Kryeministri i Sllovenisë, Janez Jansa ka trazuar ujërat politikë të rajonit të Ballkanit, pasi një letër jo-zyrtare, e cila pretendohet se është shkruar nga ai, është publikuar nga mediat vendase dhe përmban planin për ndryshimin e kufijve në Ballkan.
Gjithçka duket se ka nisur me iniciativën e Zheljko Komçiç, përfaqësuesi kroat i “trojkës”. Gjatë presidencës sllovene të Këshillit të BE, e cila fillon në korrik të këtij viti premtohet se çështja e “shpërbërjes përfundimtare të Jugosllavisë” do të zgjidhet, shkruan Novice.svet24.
Ndër të tjera, ‘Republika Srpska’ pritet të shkëputet në Bosnje-Herzegovinës dhe kufijtë e Malit të Zi, Maqedonisë Veriore dhe Shqipërisë do të rregullohen. Letra e publikuar bëri bujë të madhe, aq sa detyroi edhe Jansan të reagonte me urgjencë në rrjetet sociale.
Ai sqaroi se herën e fundit që ishte takuar me Presidentin e Këshillit Evropian Charles Michel ishte gjatë vitit të kaluar dhe nuk kishte pasur mundësi që t’i dorëzonte asgjë, duke mohuar gjithçka.
“Për herë të fundit u takova me Michel vitin e kaluar. Do të ishte e vështirë që t’i dorëzoja fizikisht diçka në shkurt ose mars të këtij viti, siç shkruan rrjeti i errët që ju citoni.”, shkruan Jansa në rrjetin social, Twitter.
Eh, @eucopresident sem nazadnje srečal lani. Težko bi mu tako februarja ali marca letos karkoli fizično predal, kot piše obskurni splet, ki ga navajate. ?? sicer resno išče rešitve za razvoj regije in EU perspektivo držav ZB, s takimi zapisi pa se ravno ta cilj skuša onemogočiti. https://t.co/aObQNCkRc5
— Janez Janša (@JJansaSDS) April 12, 2021
Në lidhje me këtë çështjem, ka reaguar dhe anëtarja e Parlamentit Europian, Tanja Fajon shprehu shqetësimin se pretendime të tilla për rregullime territoresh do të nisnin një luftë në rajon.
“Këto ditë, unë jam mbingarkuar nga thirrjet dhe mesazhet e shumta nga BH, duke paralajmëruar se Janša po përpiqet të përfundojë planin Milošević-Tudžman për të formuar një Serbi dhe Kroaci të madhe me një propozim për shpërbërjen paqësore të BH. Një sjellje e tillë e papërgjegjshme mund të çojë në një luftë të re në Ballkan”, shkruan Tanjon në rrjetin social, Twitter.
Tudi mene so te dni zasuli klici in številna zaskrbljena sporočila iz BiH, ki opozarjajo, da skuša PV Janša s predlogom o mirnem razpadu BiH dokončati načrt Milošević-Tudžman o oblikovanju velike Srbije in Hrvaške. Tako neodgovorno ravnanje lahko povzroči novo vojno na Balkanu! https://t.co/EoLzylaAPk
— Tanja Fajon (@tfajon) April 12, 2021
