Mediat në Serbi kanë komentuar mbledhjen e zhvilluar në Tiranë ndërmjet qeverisë së Shqipërisë dhe asaj të Kosovës.
Gazeta “Blic” e ka konsideruar një provokim deklaratën e Ramës se Porti i Durrësit do të jetë i Kosovës.
“Kryeministri i Shqipërisë Edi Rama ka deklaruar se Kosova dhe Shqipëria planifikojnë t’i heqin kufijtë dhe se së shpejti Porti i Durrësit do të bëhet port i Kosovës de facto”, shkruan Blic.
Mediat serbe quajnë të gjitha këto deklarime si një provokim. Sipas tyre, në këtë ngjarje në Tiranë delegacioni i Shqipërisë është pritur me nderimet më të larta, por aty ka munguar zyrtarët nga Lista Serbe në Qeverinë e Kosovës Goran Rakiç dhe Dalibor Jevtiç.
Mediat serbe po ashtu kanë përmendur nënshkrimit e tri marrëveshjeve për Doganën në Durrës linjën hekurudhore dhe hidrocentralin për Kosovën që do të ndërtohet në Shqipëri.
