Një efektiv i policisë në Kosovë ka mbetur i plagosur me armë zjarri, pas përleshjes me disa grabitës.
Rasti në fjalë është shënuar sot në mëngjes në Prishtinë, ku disa persona tentuan të vidhnin bankomatin e një qendre tregtare, raporton “Exspress”.
Efektivi është përleshur me hajdutët, të cilët nuk donin të dorëzoheshin. Grabitësit kanë shtënë me armë zjarri drejt policisë, dhe një prej tyre mbeti i plagosur. Aktualisht i plagosuri ndodhet në spital dhe po merr ndihmën e nevojshme mjekësore. Ai ka marrë një plumb në këmbë.
