Policia në Greqi do të ripyesë Charalambos Anagnostopoulos, 33 vjeç, lidhur me vrasjen e bashkëshortes së tij. Mediat greke nuk kanë përcjellë detaje të reja lidhur me ngjarjen tragjike, ku në Greqi vranë 20-vjeçaren , pranë foshnjës së saj 11 muajshe dhe bashkëshortit. Ajo u torturua dhe më pas u mbyt nga grabitësit. Grabitësit ishin futur në shtëpinë e saj për ta vjedhur, e më tej e kanë mbytur.
Charalambos Anagnostopoulos, 33 vjeç, do të merret në pyetje nga detektivët në Athinë, për të “shkuar edhe më tej mbi atë që ndodhi edhe më në detaje” gjatë bastisjes së 11 majit në të cilën gruaja e tij Caroline Crouch, 20 vjeç, u mbyt për vdekje.
Anagnostopoulos do të intervistohet gjithashtu nga një psikolog, në përpjekje për të “ndriçuar” disa pika “të pakapshme” të hetimit, të tilla se kush mund të ketë ditur për një sasi të madhe parash të depozituara në shtëpinë e familjes. Një pikë kryesore në pistën e hetimit është blerja e një toke nga çifti me vlerë 100 mijë euro, që sipas policisë mendohet se grabitësit e dinin këtë investim. Atë që nuk dinin ata, është fakti se marrëveshja dhe dorëzimi i parave tashmë kishin përfunduar, dhe paratë nuk ishin më brenda në shtëpi.
