Vetëm pak ditë më parë, korrespondentja e televizionit “N1” në Kosovë Zana Cimili, është kërcënuar me jetën e vajzës në rrjetet sociale.
Sipas mediave kosovare, një komentues serb kishte shkruar fjalë mjaft të rënda mbi foton ku gazetarja shfaqej me vajzën e saj: “Bile, pa problem me dhëmbë do e kisha shqyer një fëmijë shqiptari. Është e pabesueshme kjo. Ndërsa ti me punën tënde ke kontribuar, të falënderohem për këtë”.
Pas këtij komenti, gazetarja ka denoncuar personin në fjalë dhe së fundmi bëhet me dije se ai është arrestuar. Policia serbe ka vënë në pranga personin, identiteti i të cilit nuk është bërë publik. Mbi të rëndojnë dy akuza: “tentim të kryerjes së krimit” dhe “shpërndarje e urrejtjes fetare, kombëtare dhe cenim të sigurisë”.
