Ish-ministre e Integrimit, Majlinda Bregu e ftuar sot në emisionin “Në kuthin e Piter Pan”, iu përgjigj pyetjeve të njërit prej fëmijëve të këtij emisoni, i cili donte të dinte nëse do të dëshironte që një ditë të bëhej kryeministre.
Bregu, tha se puna që bën aktualisht si Sekretare e Përgjithshme e Këshillit Rajonal të Bashkëpunimit është tejet e rëndësishme, dhe se për të qenë Kryeministre nuk mjafton vetëm dëshira.
Gjithashtu, e pyetur se nëse është dakord me cilësimin që kryeministri Rama iu bën prezantuesve dhe gazetarëve duke i quajtur ‘kazanë’, ish-ministrja tha:
“Unë kam punuar gazetare për disa vite dhe kam shumë miq gazetarë, që janë shumë të mirë. Edhe dinë të shkruajnë mirë, edhe dinë të bëjnë një lajm shumë mirë dhe dinë të jenë të vërtetë. Po ka ca të tjerë, që nuk janë gazetarë, por venë ca si gjoba, edhe ata janë më llum se kazani në fakt. Ka disa që e kanë bërë pis.”
