Ministri i Bujqësisë, Bledi Çuçi e ka cilësuar vendimin e opozitës për dorëzimin e mandateve si antishqiptar dhe të pajustifikuar.
Duke folur në rubrikën e “Opinion” të News 24, Çuçi tha se qeveria do të vijojë punën e saj normalisht dhe se mungesa e opozitës nuk përbën ndonjë problem, pasi është një akt politik i vendosur nga vetë ajo, por që sjell “vetëvrasjen” e saj.
Duke komentuar ftesën e kryeminsitrit për dialog me opozitën, ministri tha se kjo nuk përbën ndonjë cudi të madhe, pasi Rama nuk ka qenë asnjëherë kundër dialogut.
Fjala e Çuçit:
Nuk është akt politik dhe i pengon çeljes së negociatave me Bashkimin Evropian.
Nuk është çudi, Rama asnjëherë nuk ka qenë kundër dialogut, ai ka shprehur shumë qartë dëshirën për të dialogur. Pozicioni i tij politik ka qenë gjithmonë për të dialoguar.
Pozicioni i opozitës në parlament ishte i pakontestueshëm. Opozita ka folur 1.4 herë më shumë se mazhoranca këtë sezon. I kemi dhënë të gjitha hapësirat duke i bërë thirrje që ta shkruajnë vetë propozimin për ndryshimet e kodit zgjedhor.
Është agjendë jashtë parlamenti, vendim i pajustifikuar, antishqiptar dhe vetëvrasës për opozitën.
Nuk është problem që opozita nuk është, qeveria është normale. Ne shqetësohemi për të ardhmen e Shqipërisë, për intimidimin që u bëhet investitorëve të huaj, turistët, ekonominë, krijon impaktin që Shqipëria është vend i pasigurtë. Por për politikën nuk shqetësohemi fare, sepse është vendim politik i opozitës./ Tirana Today
