Ish-futbollisti i Besës së Kavajës, Valon Bajgora, është dënuar me tetë vjet burg. Vendimi ka ardhur nga Gjykata e Londrës, e cila ka hetuar bashkë me Bajgorën edhe disa shqiptarë të tjerë. Ata janë arrestuar më 27 prill 2017, teksa po dërgonin 9 kilogramë kokainë në një parkim në zonën e Brentfordit. Kjo bandë vepronte në Londër dhe në përgjithësi në Anglinë Jugore.
Bajgora është aktivizuar në sezonin 2006-2007, me skuadrën e Besës në Kavajë, si dhe me Prishtinën dhe Flamurtarin, në Kosovë.
