Aktorja e njohur amerikane, Naya Rivera, është shpallur e humbur pasi djali i saj i vogël u gjet i vetëm në një varkë në liqenin Piru, në Kaliforni.
Sipas mediave të huaja, vogëlushi i ka thënë policisë se ishte duke notuar me të ëmën, por ajo nuk ishte kthyer më në varkë.
Autoritetet dyshojnë se aktorja 33-vjeçare është mbytur në liqen ditën e djeshme. Ajo rezulton e humbur që prej orës 09:30 të ditës së mërkurë.
Rivera është më së shumti e njohur për rolin e Santana Lopez në serialin e Fox, “Glee”. Pas rolit të saj në serialin muzikor (2009-2015), ajo u shfaq në “Devious Maids” dhe “Step Up: High Water.”
