U raportua se David Silva kishte probleme familjare me bashkëshorten, por kjo gjë është hedhur poshtë menjëherë nga futbollisti spanjoll. Mesfushori i Manchester Cityt ka javë që nuk është paraqitur në fushën e blertë dhe thuhej se shkaku ishte tradhtia e gruas dhe lojtari nuk është në gjendje të mirë psikike.
Megjithatë ka qenë vet spanjolli që ka zbardhur të vërtetën rreth mungesës në javët e fundit. David Silva sqaron dramën familjare që po përjeton, ku djali i sapolindur po lufton me jetën.
“Dua të falënderoj të gjithë për mesazhet e ngrohta që më keni dërguar javët e fundit. Një falënderim special shkon për shokët e skuadrës, trajnerin dhe klubin, që e ka kuptuar situatën time familjare dhe më kanë mbështetur. Dua të ndaj me ju lajmin e lindjes së djalit tim Mateo, që erdhi në këtë botë para kohe dhe po lufton dita-ditës për t’ia dalë mbanë, bashkë me ndihmën e mjekëve”, ka qenë komenti i David Silva.
Kujtojmë se spanjolli deri tani ka zhvilluar 238 ndeshje për cityzen dhe ka shënuar 35 gola, por është një ndër mesfushorët kyç të skemës së Guardiolas.
