Zv.ministri i Mbrojtjes, Petro Koçi, ka sqaruar të gjithë zërat që qarkullonin në media, se ai e ka djalë tezeje Mihal Kokëdhimën. Koçi mjaft i indinjuar thotë se nuk ka teze, e për rrjedhojë s’mund të ketë as djalë tezeje.
Në komentin e radhës në Facebook, zv.ministri i Mbrojtjes e cilëson si të përdalë lajmin që mori dhenë, duke e etiketuar sikur e ka kushëri Mihal Kokëdhimën.
Koçi sqaron se nuk ka lidhje fisnore as me pronarin e biznesit që u shkatërrua një ditë më parë, dhe as me turistët spanjollë. Sipas tij, e vetmja lidhje që ka me ngjarjen është drejtësia!
Statusi
Lidhur me nje lajm te perdale qe me perziente farefisnisht me ngjarjen “panorma” ne Qeparo:
1.Kur nuk ke teze, smund te kesh djale tezeje.
2. Nese do kisha djale tezeje do ishte myzeqar safi nga nena.
3.Nuk kam lidhje fisnore as me pronarin e as me turistet spanjolle.
4. E vetmja lidhje e imja me ngjarjen eshte drejtesia, shteti ligjor dhe interesi publik.
5. Shoqeria jone duhet te kete kurajo ti shohe problemet e veta ne sy, dhe jo ne cdo rast te kerkoje alibira te politika apo politikanet.
6. Lajmet e stilit Berisha me qytetar dixhital nuk e pastrojne, por e bejne pis informimin publik.
Kujtojmë këtu se 51-vjeçari kanosi fillimisht me fjalë turistët, që të pakënaqur nga shërbimi në lokal, kanë tentuar të largohen. Më tej, Kokëdhima ka dëmtuar mjetin e transportit privat të turistëve, dhe është konfliktuar fizikisht.
