Një ditë më parë shënoi 27-vjetori i themelimit të Partisë Socialiste. Ishte vetë kreu i kësaj partie Edi Rama, i cili me anë të një postimi në rrjetet sociale shkroi: “PHOTO OF THE DAY”, duke postuar foton që shikoni më poshtë.
Por të shumta kanë qenë urimet nga politikanë dhe simpatizantë të kësaj partie. Një ndër to ishte dhe Presidenti Ilir Meta i cili uroi Partinë Socialiste ku në “Facebook”, shkruante: “Në këtë përvjetor të themelimit të Partisë Socialiste, kësaj force politike shumë të rëndësishme, kam kënaqësinë t’i uroj lidershipit, anëtarëve dhe simpatizantëve të saj, suksese në përmbushjen e përgjegjësive qeverisëse në funksion të së ardhmes europiane të Shqipërisë”.
Ndërsa në këtë përvjetor nuk ka reaguar as reagimi i ish-kryeministrit Sali Berisha i cili shkroi:
“Nje fallsifikim monstruoz i historise!
Te dashur miq, sot Partia e Punes se Shqiperise, me emer te ri Partia Socialiste e Shqiperise feston 77 vjetorin e themelimit te saj ne Tirane nga armiqte e eger te kombit shqiptar, si kal troje i levizjes serbe ne Shqiperi!
Me kete qendrim une kam ndermend te respektoj plotesisht vendimin e Kongresit te fundit te PPSH, i cili me 12 qershor te vitit 1992 vendosi jo shkrirjen e PPSH por nderrimin e emrit, pagezimin e saj si Partia Socialiste e Shqiperise dhe shpalli kete te fundit trashegimtare juridike te PPSH!
Kjo eshte e verteta e pamohueshme historike, te cilen mjerisht jo te pakte jane ata qe duan t’a fallsifikojne!
Duke theksuar kete te vertet dhe duke denuar fallsifikimin e neveritshem te historise, nuk dua ne asnje menyre te mohoje rolin dhe kontributin e vecante te nje grupi te rinjsh si Ilir Meta, Pandeli Majko, Monika Kryemadhi, Ilir Zela etj, te cilet ne drejtim te forumit rinor te kesaj partie kontribuan ndjeshem se bashku me disa drejtues te PS ne reforminimin e saj. Por kontribut historik ne reformimin e PPSH me emer te ri PSSH dha lideri i saj Fatos Nano, i cili ne nje gare elektorale brenda partise e shkeputi PPSH nga e shkuara e saj si parti e nje njeriu dhe u rizgjodh nga anetare pa funksione drejtuese ne krye te saj. Ai gjithashtu anetaresoi PPSH me emer te ri ne Internacionalen Socialiste, arritje keto thelbesore per PSSH dhe vendin ne teresi.
Por sot ne kete pervjetor deklaroj me bindjen me te madhe se nen udheheqjen e Edi Rames, PSSH eshte shnderruar ne nje fatkeqesi te vertet kombetare, ne parti de fakto antieuropiane dhe antidemokratike. Kjo parti ne harkun kohor 6 vjecar ka shkaterruuar vlerat dhe standartet europiane, voten e lire dhe ka zevendesuar shtetin ligjor me narkoshtetin. Nen udheheqjen e Edvin Kristaq Rames, PSSH, me lidhjet e krimit dhe droges te udheheqjes saj, perzenien masive te rinise shqiptare nga vendi, shnderrimin e drejtesise shqiptare ne dege te ekzekutivit dhe Edvin Kristaq Rames ne Krye Krye Krye.., mbylli per here te dyte ne tre vite dyert e hapjes se negociatave te Shqiperise me Bashkimin Europian.
PSSH nen drejtimin e Edi Rames eshte sot njelloj si ne ditet me te zeza te saj ne kohen e diktatures hoxhiste; nje parti antshqiptare qe po shet interesat, territorin, detin Greqise dhe nen diktatin e kesaj te fundit eshte zotuar te fshije nga faqja e dheut fjalen Çameri duke shkelmuar mbi martirizimin e çameve, ndergjegjen kombetare te çdo shqiptari dhe tejkaluar ne tradhti kombetare edhe diktatorin Enver Hoxha.
Per te gjitha keto ju bej thirrje te gjithe socialisteve qe ndjehen atdhetare dhe besojne ne vlerat dhe te ardhmen europiane si te ardhmen me te mire per vete, femijet dhe vendin e tyre, te braktisin sa me shpejt kete parti te rrezikshme, çiflig i apatridit, kreut te meduzes te mafies dhe krimit te organizuar Edvin Kristaq Rama dhe klikes se tij! Sb”.
Por, ish-kryeministri nuk është mjaftuar me kaq. Sali Berisha ka postuar një foto, në të cilën sipas tij, Rama dhe kreu i bashkisë së Durrësit, Vangjush Dako po festojnë atë qe Berisha e quan ‘shndërrimin e ‘Partisë Socialiste ne Parti Siçiliste!”.
“Tek Vollga, Noriega me Gjushin dhe kusur para 30 min po festojne shnderrimin e Partise Socialiste ne Parti Siçiliste! sb”- shkruante mbrëmë në darkë Berisha duke postuar edhe foton që shikoni më poshtë.
Ndërkohë që ky përvjetor është festuar nga socialistë anembanë vendit. Kështu në fotot e postuara nga fotografi Agim Rama, ju keni mundësi të shikoni se si deputetët dhe përfaqësuesit e PS-së u shfaqën të veshur dhe të krekosur në festë. TIRANA TODAY
