Dita Kombëtare e Francës, që ndryshe njihet dhe si festa e Bastille këtë vit si pjesë e festimeve do të jetë një i ftuar i veçantë. Më 14 korrik, ditë dhe kur kjo feste festohet në Francë për të qenë pjesë e festimeve do të jetë i pranishëm dhe presidenti amerikan Donald Trump.
Shtëpia e Bardhë ka njoftuar se presidenti i SHBA-së, Donald Trump e ka pranuar ftesën e presidentit francez, Emmanuel Macron për të qenë pjesë e festës në Ditën Bastille në Francë. Shtëpia e Bardhë ka thënë se Macron i ka bërë ftesë Trumpit përmes telefonit.
Dita Bastille përkujton marrjen me forcë të kalasë Bastille më 14 korrik 1789 nga një turmë. Kjo ngjarje konsiderohet si pike kthese dhe si simbol i rëndësishëm për francezët.
Shtëpia e Bardhë ka thënë se Trump ka vullnet për të riafirmuar marrëdhëniet mes SHBA-së dhe Francës.
SHBA-të, do të përkujtojnë edhe 100 vjetorin e hyrjes së vendit në Luftën e parë Botërore.
Trump dhe Macron janë takuar për herë të fundit në Bruksel gjatë muajit maj.
