Prej 14 ditësh, punonjësit e rafinerisë së naftës në Ballsh, vijojnë grevën e urisë.
Mësohet se dy grevistë janë shoqëruar në spitalin e Mallakastrës, pasi kanë paraqitur probleme dehidrimi, dhembje koke e luhatje të tensionit.
Ndërkohë, gjatë natës një tjetër grevist ka pasur probleme shëndetësore.
Edhe pse gjendja e tyre shëndetësore sa vjen e rëndohet, ata përsëri thonë se nuk do e ndërpresin grevën derisa qeveria të plotësojë kërkesat e tyre.
Disa ditë më parë, naftëtarët u kyçen brenda ambienteve të qendrës shëndetësore në uzinë, dhe thanë se do të vetëflijohen e nga aty do dalin vetëm me barela.
Janë rreth 900 naftëtarë të cilët prej dy vitesh kërkojnë marrjen e pagave të prapambetura dhe kërkojnë rinisjen e punës në uzinë.
