Një bombë e vendosur në rrugë shpërtheu në provincën jugore turke të Adanas. Për pasojë 5 persona mbetën të plagosur, njëri prej të cilëve është oficer policie.
Ndërkaq, guvernatori i provincës, Mahmut Demirtas, deklaroi se shpërthimi ishte shkaktuar ose nga një pajisje shpërthyese e improvizuar ose nga një lloj tjetër bombe.
Të plagosurit janë transportuar në spitalet e zonës dhe ndodhen jashtë rrezikut për jetën.
Mediat vendase kanë publikuar video të automjeteve që kanë pësuar dëmtime në mbikalimin për këmbësorë në zonën Yuregir.
