Gjuha dhe mesazhet e muzikës tejkalojnë çdo lloj ndasie që ka midis popujve. Zëri i shqiptarëve në Malin e Zi është zbehur ndër vite por Ulqini mbetet kala e pamposhtur akoma. Faktori shqiptar është shumë i rëndësishëm. Jo pak herë janë realizuar koncerte dhe evente artistike me shqiptarë që vijnë nga Shqipëria.
Këtë herë është dirigjenti shqiptar Bujar Llapaj i cili do të udhëheq koncertin e Orkestrës Simfonik të Kanadasë që do të mbahet të enjten me 22 mars te vitit 2018, me fillim në ora 20.00 në Sallën e madhe të Qendrës për Kulturë në Ulqin.
Sigurisht, që dhe malazezët që jetojnë në Ulqin janë entuziast për këtë koncert që behet në qytetin e tyre një muaj para se të filloj sezoni turistik. Koncerti është nën kujdesin e menaxherit Paul McEwen. Pjesë e këtij koncerti do të jenë solistët Julia Nolan në saksofon, Gwynneth Jones në klarinet, Jim Hopson në trombon, Kvarteti i Muzikes Progresive të Maqedonisë, Vladimir Lazarevski në oboe, Vladimir Krstev në violinë, Marko Videnovic në viole i Paskal Krapovski në violonçel.
Si shihen dhe nga emrat kemi një përbërje të kombësive të ndryshme. Por ajo që i bashkon është muzika simfonike.
Programi i koncertit:
Rauf Dhomi – Goca e Kaçanikut – Uverturë
Morley Calvert – Kolazh me këngë popullore Kanadeze
Elizabeth Knudson – Equinox për kvartet dhe orkestër – premiere
Marko Videnoviç – Ergen për solo kuartet
Kreshnik Alickaj – Koncert për klarinet, Trombon dhe orkestër –Premiere botërore
Jim Hopson – Qyteti nga West Coast – Premierë botërore
Stefan Hintersteininger – Koncert për soprano, saksofon dhe orkestër (I Sonata, II – Arieta, III – Finale)
Zadeja & G.Sviridov – Kuvendi i Pajtimit & Kavaleria, nga muzika e filmit Skënderbeu
