Për shumë njerëz, vitet e pensionit janë të zymta, dhe shërbejnë për t’u përgatitur shpirtërisht për ikjen një ditë nga kjo botë. Por jo për italianin Xhuzepe Paterno.
Në fund të verës së këtij viti, ai u diplomua në moshën 96-vjeçare për histori dhe filozofi në Universitetin e Palermos. Ish-punonjësi i hekurudhës mori diplomën e tij, i duartrokitur nga familja e tij, mësuesit dhe studentët e tjerë, më shumë se 70 vite më të rinj se ai.
Paterno është përballur me shumë sprova në jetë, varfëria në fëmijëri, Lufta e Dytë Botërore, dhe së fundmi pandemia e koronavirusit.
Por ka ecur gjithmonë përpara me optimizëm. Paterno u rrit me dëshirën për t’u shkolluar, por nuk kishte pasur shansin të shkonte në universitet kur ishte i ri, për shkak të pamundësive ekonomike.
“Dituria është si një valixhe që unë mbaj me vete, është një thesar”, thotë ai, që ndihet i keq-ardhur që gruaja e tij nuk është më për ta parë në këtë moment të veçantë.
Ai nisi studimet në vitin 2017, dhe ndryshe nga të rinjtë, përdorte një makinë shkrimi të vjetër për të realizuar detyrat e kursit.
TIRANA TODAY
