Tërmeti më i ngadaltë dhe më i gjatë në botë ka zgjatur plot 32 vjet, ndërsa shkencëtarët po mundohen të kuptojnë se si ndodhi.
Ishte muaji shkurt i vitit 1861, kur një tërmet me madhësi 8.5 ballë goditi ishullin indonezian Sumatra duke ngritur një dallgë të madhe nga deti që u përplas me banesat në breg dhe vrau mijëra njerëz, shkruan National Geographic.
Por shkencëtarët thonë se ngjarja tragjike nuk ishte një ndodhi e izoluar. Në të vërtetë, ky tërmet ishte goditja e fundit dhe më shkatërrimtare e një tërmeti që po vazhdonte për 32 vjet nën tokë.
E njohur si “rrëshqitja e ngadaltë” këto lloje fenomenesh janë regjistruar teksa kanë vazhduar për ditë, javë, muaj apo vite, por kurrë më parë nuk ishte zbuluar një rekord i tillë.
Studimi i këtij tërmeti po i ndihmon shkencëtarët të kuptojnë mënyrat e ndryshme të lëvizjes së planetit tonë dhe potencialin vdekjeprurës për këto ngjarje të heshtura që të shkaktojnë tërmete shumë më të fuqishme.
