Digjet makina e shefit të Policisë së Paraburgimit në Bradashesh, Kranar Kasi.
Makina tip “Benz ML” me targë AA 131 IX që është djegur mbrëmjen e sotme nga persona ende të paidentifikuar, ka qenë e parkuar 100 metra nga Drejtoria e Policisë së Elbasanit.
Dyshohet se djegia e mjetit ka qenë e qëllimshme, për shkak të detyrës së tij. Më herët, Kasi ka mbajtur postin e shefit në sektorin e narkotikëve.
Policia ndodhet në vendin e ngjarjes dhe po heton për zbardhjen e plotë të rrethanave.
