Një ngjarje e rëndë është shënuar gjatë natës së sotme, ku është djegur mjeti tip “Mercedez Benz” me targa AA 331 EH i kryeplakut P.GJ., të fshatit Fushë-Derven në Fushë-Krujë.
Ngjarja ka ndodhur rreth orës 01:15, ndërsa të parët që kanë parë flakët kanë qenë fqinjët, të cilët kanë lajmëruar zjarrfikësen.
Mjeti është djegur, ndërsa kanë qenë fqinjët të cilët kanë konstatuar flakët. Në ato momente, kryeplaku me familjen e tij nuk kanë qenë në shtëpi.
Lidhur me këtë akt, kryeplaku i fshatit ka deklaruar se nuk ka probleme me asnjë person. Policia ka nisur hetimet për ngjarjen dhe dyshohet se është zjarrvënie e qëllimshme.
Njoftimi policisë:
Më datë 26.06.2020, rreth orës 01:50, në fshatin Derven, Krujë, është djegur mjeti tip “Benz” në pronësi të shtetasit P.Gj., të cilën e kishte parkuar në afërsi të banesës së tij. Grupi hetimor po punon për sqarimin e rrethanave të ngjarjes.
