Një automjet ka marrë flakë dhe është djegur në lagjen e “Spitalit” në Lezhë. Mësohet se ngjarja ka ndodhur pas mesnatës së kaluar, dhe dyshohet se është e qëllimshme.
Forcat e policisë dhe zjarrfikëse kanë mbërritur në vendin e ngjarjes, ku edhe kanë bërë të mundur shuarjen e flakëve.
Ende nuk ka informacione se në pronësi të kujt është makina, por paraprakisht bëhet fjalë për një zjarr të qëllimshëm.
Grupi hetimor po punon për zbardhjen e plotë të rrethanave të ngjarjes.
