Dy automjete janë shkrumbuar gjatë natës në Llakatud të Vlorës. Sipas të dhënave të para makinat e djegura kanë qenë në distancë rreth 200 m nga njëra-tjetra.
Policia ka nisur hetimet për zbardhjen e ngjarjes. Ashtu si në raste të tjera po hetohet pista e një zjarrënieje të qëllimshme.
Me mbërritjen në fshatin Bunavi u konstatuan dy automjete të djegur. Njëri rezultoi furgon në pronësi të një personi me inicialet A.A, i cili ditën e sotme denoncoi në polici se në mbrëmje i kanë vjedhur automjetin.
Ndërkohë, makina e dytë, një automjet tip Golf, rezulton të ketë të vendosura targa të një tjetër mjeti, pra të falsifikuara, shkruan BW.
Policia ka dyshime se automjetet mund të jenë përdorur për ndonjë ngjarje kriminale dhe më tej të jenë djegur nga autorët për të fshehur gjurmët. “Grupi hetimor ka shkuar në vendngjarje dhe ka nisur punën për zbardhjen e rrethanave të ngjarjes dhe identifikimin e kapjen e autorëve.
