Nate Diaz bëhet protagonist edhe kur nuk është në kafaz, ai nuk vë mend. Diaz është një ndër sportistët më të dashur në UFC dhe gjesti i bërë gjatë eventit të UFC Night Fight 126, zhvilluar në Austin të Teksasit, ia rrit famën.
Ai ndodhej në zonën VIP për të ndjekur sfidën e radhës, kur gjatë kohës që kamera i kaloi pranë, ka nxjerrë nga xhepi një cigare me marijuanë dhe më pas merr çakmakun për ta ndezur dhe tymosur atë brenda në stadium, pa pyetur për askënd.
Por menjëherë regjia ka hequr pamjet televizive nga ikona e arteve marciale mikse pas këtij gjesti të Diaz, ndërkohë që pranë tij ka qenë edhe një vajzë e vogël, që ka mbetur e mahnitur nga skena edhe pse reagimet e fansave kanë qenë të ndryshme.
