Pandeli Majko është ndjerë shumë në siklet nga pyetjet e shqiptarëve që jetojnë në Amerikë. Shqiptarët e kanë pyetur ministrin e Shtetit për Diasporën, Pandeli Majkon, për gjithçka po ndodh në Shqipëri, sidomos për situatën politike. Ata i kanë kërkuar ‘llogari’ ministrit për një sërë çështjes që nga peshqit e mëdhenj për të cilët foli ambasadori amerikan Donald Lu deri te ‘arrestimi’ i Saimir Tahirit. Qytetarët e kanë pyetur nëse Rama dhe parlamentarët e sotëm dhe të djeshëm do të bien në rrjetën e ambasadorit LU.
“Për shembull ju si ministër, si politikan, si deputet, je ndër kryesorët për rikthimin e simboleve të komunizmit, akoma s’ke kërkuar falje për 29 viktimat e Janarit 2004 që janë duke i kërkuar, a thua do të jeni në rrjetën e ambasadorit Lu së bashku me Ramën dhe ata qeveritarët që janë dhe ishin në Parlament dhe a do dënohet Saimir Tahiri?,” pyet një qytetar në takimin që Makjo mbajti në Detroit të Shteteve të Bashkuara të Amerikës në kuadër të një vizite zyrtare.
Në video vërehet momenti kur Majko thotë se: ‘Kjo është Amerika dhe Amerika na ka mësuar ne’, por videoja ndërpritet në përgjigjet që jep ministri për pyetjet e bëra nga shqiptarët.
Video është postuar nga ish-Kryeministri Sali Berisha i cili shkruan: “Ne Michigan diaspora kryqëzon Majkon! Vota juaj kundër Amerikes është vote kundër të gjithë diasporës dhe kombit shqiptar. I kerkojnë dhe pse rikthyet simbolet e komunizmit dhe se a do arrestohet Saimir Tahiri! Shikoni videon e qytetarit dixhital! Sb”
