Kryeministri i Kosovës, Avdullah Hoti, ka zbardhur detaje nga takimi i dytë që do të zhvillohet sot në Bruksel mes Kosovës dhe Serbisë, me ndërmjetësimin e të dërguarit të BE, Miroslav Lajçak dhe Përfaqësuesit të Lartë për Politikën e Jashtme, Josep Borrell.
Hoti njofton se dialogu teknik ka përfunduar, dhe po punohet drejt njohjes reciproke. Ai citon se Kosova ka nisur dialogun për njohje reciproke, ku në Bruksel fillon draftimi i kësaj marrëveshje.
Statusi
“Dialogu nuk ka alternativë. Por, dialogu teknik ka përfunduar. Tani Kosova ka nisur dialogun për njohje reciproke, dhe sot në Bruksel fillon draftimi i kësaj marrëveshje.
Qasja refuzuese ndaj dialogut dhe ndaj miqve tanë në të kaluarën e afërt na ka izoluar. Shtëpia nuk mbahet pa miq.
Kosova ka një kryeministër që po i ushtron autorizimet kushtetuese pa lejuar asnjë ndërhyrje në ato autorizime, por duke e koordinuar agjendën e shtetërore të Kosovës me bartësit e institucioneve, me partnerët e koalicionit dhe me opozitën, si dhe duke e mbajtur plotësisht të informuar publikun e gjerë”.
