Presidenti Hashim Thaçi deklaroi publikisht se Kosova është gati që të rikthehet në procesin e dialogut me Serbinë.
Thaçi tregoi se Kosova nga dialogu kërkon njohjen reciproke dhe përshpejtim të rrugës për anëtarësim në Kombet e Bashkuara.
“Kosova e ka të qartë se çfarë kërkon në dialog, e kërkon njohjen reciproke dhe përshpejtim të rrugës për anëtarësim në Kombet e Bashkuara.
Në këtë, Kosova është bashkë me Shtetet e Bashkuara të Amerikës dhe gjithë aleatët e tjerë.
Nuk kemi çka të hezitojmë, është një rrugëtim i sigurt që ne kemi shpresë dhe do të përmbyllet sipas vullnetit të qytetarëve të vendit”, u shpreh Presidenti.
I pyetur nga gazetarët se a mund të arrihet marrëveshje me Serbinë brenda vitit, Thaçi tha se ka besim që gjërat do të lëvizin në drejtim të duhur:
“Kam besim të plotë në energjinë dhe dinamikën e SHBA-së dhe presidentin Donald Trump dhe ambasadorin (Richard) Grenell.
Ne duam dhe destinacioni ynë është i qartë, që të jemi pjesë e familjes evropiane, por ne jemi të vetëdijshëm se punën e shpejtë në këtë proces e ka udhëhequr SHBA-ja”.
