Ditën e sotme, presidenti Ilir Meta ka pritur në zyrën e tij Zëvendëskryeministrin e Kosovës, Behgjet Pacolli.
Meta ka publikuar një foto nga takimi me të, ndërkohë dhe e ka falënderuar për ndihmën e tij financiare. Pacolli dhuroi mbi 1 milion euro, për tejkalimin e pasojave të rënda të tërmetit të 26 nëntorit.
“Pata sot një takim të përzemërt me Zëvendëskryeministrin e Kosovës, z.Behgjet Pacolli. E falenderova me mirënjohje për ndihmën e tij financiare prej rreth 1 milion euro, për tejkalimin e pasojave të rënda të tërmetit të 26 nëntorit, nëpërmjet realizimit të projektit të tij bamirës për ndërtimin e banesave të reja të familjeve në Thumanë që humbën shtëpitë e tyre nga kjo fatkeqësi natyrore”, shkruan Meta.
