SHÇBA pas denoncimit të 34- vjeçarit për dhunë në ambientet e Komisariatit të Korçës, procedon penalisht dy efektivët e policisë. Të akuzuarit janë inspektori i zonës Kosta Stojani dhe inspektori i rendit Julian Dervishaj.
SHÇBA ka marrë deklarimet e 34-vjeçarit Mariglen Muka, dhe disa efektivëve të Komisariatit të Korçës. Muka deklaroi se u dhunua nga efektivi Dervishaj, në prezencë të kolegut Stojani, por ky i fundit as e ka goditur, as është përpjekur të ndërpresë aktin e dhunës. Mariglen Muka, prej të martës po trajtohet në repartin e kirurgjisë, për shkak të dëmtimeve në kokë dhe pjesën e barkut.
Pavarësisht, procedimit të SHÇBA dhe referimit të materialeve në Prokurori, dy efektivët e policisë të përfshirë në akte dhune ndaj një qytetari, vijojnë të mbeten në detyrë.
