Lojtarët e ekipit të futbollit të Këlcyrës nuk ia kanë hedhur paq, pasi kanë ushtruar dhunë ndaj gjyqtarëve të ndeshjes.
Kështu, tre nga lojtarët kanë rënë në pranga pasi akuzohen se dhunuan gjyqtarët e ndeshjes.
Konkretisht, pas hekurave kanë përfunduar shtetasit me inicialet E.K,30 vjeç, A.H, 21 vjeç si dhe M.Xh, 21 vjeç, banues në Përmet.
Tre lojtarët akuzohen se në pjesën e dytë të ndeshjes Përmeti-Këlcyra, kanë goditur me shkelma dhe grushte gjyqtarët e kësaj ndeshje, gjyqtarët e takimit, shtetasin Alvi Paçon dhe A.K.
NJOFTIMI I POLICISE
Godasin për shkak të detyrës gjyqtarët e ndeshjes, arrestohen në flagrancë tre shtetas (lojtarë të ekipit të futbollit Këlcyra).
Në datë 10.12.2017, nga specialistët e seksionit për Hetimin e Krimeve në Komisariatin e Policisë Përmet u bë arrestimi në flagrancë i shtetasve:
– E.K,30 vjeç, banues në Përmet.
– A.H, 21 vjeç, banues në Gjirokastër.
– M.Xh, 21 vjeç, banues në Përmet, (të tre lojtarë të ekipit të futbollit Këlcyra), pasi:
Në datë 10.12.2017, në stadiumin “Durim Qypi”, në Përmet, në pjesën e dytë të ndeshjes së futbollit Përmeti – Këlcyra, kanë goditur me shkelma dhe grushta gjyqtarët e kësaj ndeshje, shetasit A.P dhe A.K. Materialet i kaluan Prokurorisë së Rrethit Gjyqësor Përmet për veprën penale “Goditje për shkak të detyrës”, parashikuar nga neni 237 i Kodit Penal.
