Blutë e Vlorës kanë vënë në pranga një 45-vjeçar me inicialet G.K., pasi ka dhunuar ish-bashkëshorten dhe vajzën në mes të rrugës. Në revoltë e sipër ai më tej ka ushtruar dhunë ndaj një kalimtari, i cili kishte shkuar për të ndihmuar të dhunuarat. Ngjarja ka ndodhur mbrëmë, në lagjen “10 korriku”.
Njoftimi i policisë
“Arrestimi i 45 vjeçarit G.K., u bë pasi mbrëmjen e kaluar, në lagjen “10 Korriku” Vlorë, ky shtetas për motive të dobëta ka ushtruar dhunë fizike ndaj ish-bashkëshortes dhe vajzës së tij, si dhe ka goditur edhe një shtetas tjetër i cili po kalonte rastësisht, dhe ka ndërhyrë për të qetësuar situatën”, raporton policia.
Materialet iu referuan Prokurorisë për veprat penale “Dhuna në familje”, dhe “Plagosje e lehtë me dashje”.
