Një 24-vjeçare është arrestuar në flagrancë, pasi jo vetëm që ka ushtruar dhunë mbi motrën e saj por edhe e ka goditur me thikë. Për pasojë, e lënduara e cila është 21-vjeçe, ka përfunduar në spital.
Bluzat e bardha kanë konfirmuar se ajo ndodhet jashtë rrezikut për jetën. Sakaq, burimet zyrtare të policisë thonë se sherri mes palëve e më pas që ka degraduar në dhunë, ka qenë për shkak të një konflikti për motive të dobëta.
“Specialistët për Hetimin e Krimit në Komisariatin e Policisë Nr.1., kanë arrestuar në flagrancë shtetasen A.SH., 24 vjeçe, banuese në Greqi. Kjo shtetase në shtëpinë e prindërve, pas një konflikti të çastit për motive të dobëta, ka rrahur dhe më pas e ka goditur me mjet prerës motrën e saj 21-vjeçare, e cila ndodhet në spital jashtë rrezikut për jetën. Në cilësinë e provës materiale u sekuestrua mjeti prerës”.
