Vladimir Gjuta ka rënë sërish në prangat e policisë, pasi akuzohet se ka rrahur me çekiç kushëririn e tij.
Mësohet se Gjuta është arrestuar më 4 janar, pasi e ka lënë kushëririn e tij me dhëmbë të thyera dhe me njërin sy të dëmtuar.
Vladimir Gjuta është një emër i njohur për drejtësinë shqiptare, pasi është arrestuar më parë si autori i vendosjes së tritolit në farmacinë e babait të ish-ministrit të Brendshëm, Saimir Tahiri.
Ai u lirua pas hetimeve, por pas kësaj ish-ministri mori një mesazh kërcënues në numrin e tij persona: “Lëre të qetë familjen Gjuta, ndryshe do të kesh pasoja”! Në atë kohë ish-ministri Tahiri u mor në mbrojtje nga forcat RENEA. Ndërsa Gjuta u arrestua sërish më vonë për dhunë të ushtruar ndaj babait të tij.
Ai arriti t’i shpëtojë sërish drejtësisë pasi familjarët e tij nuk ngritën një kallëzim penal.
